विद्यार्थीलाई ‘बोक्सी’ देखाइयो

गोपालचन्द्र लामिछानेले निर्देशन गरेको चलचित्र ‘बोक्सी’ अझै पनि चर्चामा छ । हालै मात्र चितवनमा यो सिनेमा विद्यार्थीहरु माँझ देखाइएको छ । देशभरका करिब ३५ जिल्लाका स्काउटका विद्यार्थीहरुले सहभागीता जनाएको एक कार्यक्रममा ‘बोक्सी’ देखाइएको हो ।

कार्यक्रममा यूवा तथा खेलकुद मन्त्रालयका सचिव, प्रमुख जिल्ला अधिकारी, नेपाल स्काउटका प्रमुख आयुक्तको पनि उपस्थिती थियो । विद्यार्थीहरुले सिनेमा हेरिसकेपछि बोक्सी भन्ने अन्धविश्वास र भ्रम मात्र रहेको प्रतिक्रिया दिएका थिए । सिनेमा सबैले हेर्नै पर्ने रहेको भन्दै विद्यार्थीहरुले ‘बोक्सी’ मन पराएको निर्माता शक्ती बल्लभले जनाएका छन् ।