लुकामारी खेल्ने किशोरी वासिङ मेसिनमा अड्केपछि………..

अमेरिकाको युटाहा राज्यमा एक किशोरी भाई–बहिनीसँग लुकामारी खेलिरहेकी थिइन् । भाई बहिनीले नदेख्न ठाउँ खोज्दै जाँदा उनी हतारमा वासिङ मेशीनमा पसिन् । तर, निस्किन सकिनन् ।



लुकामारी खेल जित्ने अभिलासाले वासिङ मेसिनभित्र छिरेकी उनी परिवारका सदस्यको लाख कोसिसका बाबजुद पनि बाहिर निस्कन सकिनन् । अन्त्यमा उनलाई इमर्जेन्सी सेवाका प्रहरी र अग्नि नियन्त्रक बोलाएर बाहिर उद्दार गर्नुपरेको छ ।

घटनामा पीडित युवतीको नाम भने सार्वजनिक गरिएको छैन । डेलीमेलका अनुसार युवती वाशिङ मेसिनको ड्रायरमा फसेकी हुन् । छोरी वाशिङ मेशीनमा फरेपछि उनकी आमाले निकाल्ने अनेक प्रयास गरिन् तर, सकिनन् । अन्तिममा ९११ नम्बरमा कल गरिन् । अग्नि नियन्त्रण विभागका कर्मचारीहरु आएर युवतीको उद्दार गरेका छन् ।

स्थानीय टीभी च्यानलसँग उनकी आमाले भनेकी छिन– ‘छोरीले बास्तवमै खेल जित्न चाहान्थिन ।’