इंग्ल्याण्डविरुद्ध अष्ट्रेलिया १३ रनले विजयी

इंग्ल्याण्डविरुद्धको पहिलो ट्वान्टी-२० क्रिकेटमा अष्ट्रेलिया १३ रनले विजयी भएको छ । यससँगै उसले तीन म्याचको श्रृखलामा १-० को अग्रता लिएको छ ।

 बैल्लेरीव ओवल, होबार्टमा टस जितेर पहिले ब्याटिङ गरेको अष्ट्रेलियाले निर्धारीत २० ओभरमा ४ विकेट गुमाएर २ सय १३ रन बनायो । उसका लागि ओपनर एरोन फिन्चले ५२ तथा क्यामरुन हृवाइटले ७५ रन बनाए । राष्ट्रिय टिममा डेब्यू गरेका क्रिस ल्यानले अविजित ३३ रन बनाए । जवाफी ब्याटिङमा उत्रेको इंग्ल्यान्डले २० ओभरमा ९ विकेट गुमाएर २ सय रन मात्र बनाउन सक्यो । उसका लागि रवी बोपाराले आक्रामक व्याटिङ गर्दै सात छक्का र दुई चौकाको मदतमा २७ बलमा ६५ रन बनाए । अष्ट्रेलियाका नाथन कल्टर-नाइलले ४ विकेट लिए । पाँच टेष्टको श्रृखला क्लिनस्वीप गरेको अष्ट्रेलियाले पाँच एकदिवसीय ४-१ ले जितिसकेको छ । -