हेर्दै आनन्द आउने कलात्मक कार दुर्घटना

कार दुर्घटनाको शब्द सुन्नासाथ तपाईको दिमागमा एउटा यस्तो डरलाग्दो तस्वीर आइदिन्छ जसलाई हेर्न त टाढाको कुरा सम्झन पनि चाहानुहुन्न । तर, हामी तपाईलाई यस्तो दुर्घटना देखाउँदै छौं, जसबाट तपाईलाई डर हैन आनन्द प्राप्त हुन्छ ।

के तपाई कल्पना गर्नसक्नुहुन्छ फरारी जस्तो आरामदायी कार विस्फोट भयो भने कस्तो देखिन्छ ? यदि कल्पना गर्न कठिन भयो भने यो तस्वीर हेर्नुस, जुन दुर्घटना हेर्दा तपाईको आङ सिरिङ हुँदैन, उल्टो आनन्द आउँछ ।

यो तस्वीर बनाउन हजारौं तस्वीर प्रयोग गरिएको छ । जसलाई फोटोग्राफर फेबियर ओफनरले बनाएका हुन् । फेबियनले पहिला फरारी विस्फोट हुँदा कस्तो देखिएला भनेर स्केच हेरेका थिए । त्यसपछि उनले मोडल कारका हजारौं कम्पोनेन्ट्स जम्मा गरे, जुन असली कारमा हुन्छन ।

त्यसरी जम्मा गरिएका सामानमा साना–साना नट समेत पर्छन् । कारको हरेक पार्टको विभिन्न एंगल र लाइटमा सुट गरिएको छ । फेरि हजारौं फोटोलाई मर्ज गरेर यो फाइनल इमेज तयार गरिएको हो ।