कार्डिफले युनाइटेडलाई बराबरीमा रोक्यो

१० मंसिर, काठमाडौं । इंग्लिस प्रिमियर लिग फुटबलमा म्यानचेष्टर युनाइटेड कार्डफसँग बराबरीमा रोकिएको छ । आइतबार राति भएको खेलमा किमले अन्तिम मिनेटमा गरेको गोलको मदतमा कार्डिफले डिफेण्डिङ च्याम्पियन युनाइटेडसँग अंक खोसेको हो ।
 

कार्डिफको घरेलु मैदानमा भएको खेलमा म्यानचेष्टरले दुई पटक अग्रता लिएर पनि जोगाउन सकेन । म्यानचेष्टर युनाइटेडले १५ औं मिनेटमा वायन रुनीको गोलबाट अग्रता लिएको थियो । तर, ३३ औं मिनेटमा क्याम्पवेलले बराबरी गोल फर्काए । पहिलो हापको अन्तिममा इभ्राले गोल गरेपछि युनाइटेड फेरि अग्रता लिन सफल भयो । खेलको अन्तिमा किमले गोल गरेपछि कार्डिफ २–२ को बराबरी खेल्न सफल भयो ।

बराबरीपछि म्यानचेष्टर युनाइटेड १२ खेलबाट २१ अंकका साथ छैटौं स्थानमा छ । १५ औं स्थानमा रहेको कार्डिफको १३ अंक छ । लिग लिडर आर्सनल २८ अंक छ ।