होन्डाको सानदार स्कुटर ‘वल्टस’

काठमाडौं । जपानीज प्रख्यात अटो निर्माता कम्पनी होन्डाले भविष्यको सुन्दर स्कुटरको नमुना सार्वजनिक गरेको छ । कम्पनीले जापानमा भएको ओसाका मोटरसाइकल शोमा सुन्दर स्कुटर ‘एनएम ४ वल्टस’ को नमुना सार्वजनिक गरेको हो ।
 

झट्ट हेर्दा वल्टस कुनै एनिमेटेड फिल्ममा हावामा उड्ने सुपर बाइकभन्दा कम देखिदैन् । आकर्षक र सानदार डिजाइनमा रहने वल्टस देख्दा जो सुकै पनि आकषिर्त हुनेछन् । होन्डाले यस डिजाइनलाई छिट्टै पुर्णता दिने बताएको छ ।

कम्पनीको युवा डिजाइन टिमले वल्टसको डिजाइन गरेका थिए । टिमले फ्युचर स्कुटरको सानदार नमुना पेश गरेका छन् । जस्ले स्कुटरका पारखीहरुलाई आकषिर्त गर्ने निश्चित छ । स्कुटरको बनावट र स्टाइल बेजोड प्रकारको रहेको छ ।

हेर्दा हेभी बाइकको झल्को लाग्ने गरि डिजाइन गरिएको वल्टसले पूर्णता पाएपछि स्कुटर बजारमा हंगमा मच्चाउने अपेक्षा गरिएको छ  । डिजाइनहरुले वल्टसको अगाडीको भागमा धेरै फोकस गरेका छन् । वल्टसको हेडलाइट, टेल लाइट, इन्डिकेटर्स लाइटहरु एलइडी हुनुका साथै आकर्षक समेत रहेका छन् ।

वल्टसको डिजाइनलाई जापानी एनिमेशनका असली उदाहरणका रुपमा लिन सकिने भारतीय सञ्चार माध्यम दैनिक भाष्करले बताएको छ । यस सानदार स्कुटरमा पछाडीको सिट फोल्ड गरेर स्कुटर चलाउनेले आडेस लाग्न सक्छ । यसलाई स्कुटर जगतकै चमत्कारका रुपमा लिइएको छ ।

वल्टससमा ७४५ सीसीको डबल सिलिन्ड इञ्जिनको प्रयोग हुने छ । सिक्स स्पीड डबल क्लच ट्रान्समिशनले यसको अगाडीको चक्कामा पावर दिने छ । स्कुटर चलाउँदा चालकले अटोमेटिक र म्यानुअल मोडमध्ये कुन मोडमा चलाउने छान्न सक्नेछ ।