आईपीएल क्रिकेट आजबाट

३ बैशाख, काठमाडौं । इण्डियन प्रिमियर लिग क्रिकेट आईपीएफको सातौं शंस्करण आजबाट सुरु हुँदैछ । भारतमा लोकसभा चुनाव भइरहेका कारण आईपीएलको पहिलो चरणका खेलहरु यूएईमा हुँदैछ ।

पहिलो चरणका खेलहरु अबुधाबी, शारजाह र दुबईमा खेलाइनेछ । नेपाली समय अनुसार राती सवा ८ बजे हुने उद्घाटन खेलमा अबुधाबीमा च्याम्पियन मुम्बई इण्डियन्स र कोलकत्ता नाइटराइडर्स भिड्दैछन् ।

यो पटक आईपीएल कयौं विवादका बीच सुरु हुँदैछ । चेन्नई सुपर किङ्ग्स र राजस्थान रोयल्सको सहभागिताबारे समेत प्रश्न उठेको थियो । दुबै टिमका मालिक र खेलाडीमाथि फिक्सिङ र खेलसँग जोडिएका जानकारी अरुलाई दिएको गम्भीर आरोप लागेको छ । यो विषय अदालतमा विचाराधीन भएका कारण दुबै टोलीले आईपीएल खेल्ने मौका पाएका छन् ।

आईपीएलको यो सिजनमा मुम्बई इण्डियन्स र कोलकत्ता नाइटराइडर्सका साथै रोयल च्यालेन्जर्स बैंङ्ग्लोर, सनराइजर्स हैदराबाद, चेन्नङ सुपर किङ्ग्स, दिल्ली डेयरडेभिल्स, किङ्ग्स इलाभेन पन्जाब र राजस्थान रोयल्स छन् ।