शरिरको गन्धले यी महिलाको जीवन नर्क बनाइदियो

बयस्क मानिस को शरिरबाट एक प्रकारको गन्ध आउँछ, जसले एक अर्का (महिला र पुरुष)लाई नजिक बनाउँछ र आर्कषण बढाउँछ । तर, एक अधबैंसे महिलालाई भने उनको शरिरबाट आउने गन्धले जीवन नै नर्क बनाइदिएको छ ।

दक्षिण पूर्वी इंग्ल्यिाण्डकी एली जेम्सले आफ्नो शरिरबाट आउन अनौठो गन्धका कारण सार्वजनिक यातायात, कार्यालय र साथीभाईको बिचमा अपमान सहनु परेको छ । उनको नजिक आउन सवै डराउँछन, बाटो हिड्दा छेउछाउका मानिस नाक समातेर हिडछन् ।

यसरी नजिक पर्ने नक्सने गरि गन्हाउने यी महिलाको रहर हैन, न त उनले सरसफाईमा पर्याप्त ध्यान नदिएर नै हो ।

४४ बर्षिय जेम्सको शरिरबाट कुहिएको माछा र अण्डाको जस्तो गन्ध आउँछ जसले कसैलाई पनि छेउ पर्न दिदैन् । ३० बर्षको उमेरमा पहिलोपटक उनले आफ्नो शरिरबाट यस्तो घिनलाग्दो गन्ध आएको पत्तो पाएकी थिइन् । उनको शरिरले माछा, मासु, दुध र अण्डा लगायतका बस्तुसँग सहजता महसुस गर्न सकेन् । उनले त्यस्ता खानेकुरा खानै छाडिदिइन् । तर पनि उनको शरिरबाट दुषित गन्ध आउन रोकिएन् । त्यसयता उनले यसको उपचारका लागि चिकित्सकहाँ धाइरहेकी छिन् । तर, चिकित्सकले यो दुर्लभ रोगको उपचार गर्न सकेका छैैनन् । केवल सरसफाई बढाउन सुझावमात्र दिन्छन् ।

यो ट्रिमिथाएल्यामुनरिया (टीएमएयू्) नामक विश्वका दुर्लभ रोग हो । यो रोग लागेकाहरुको शरीरबाट कुहिएको माछा र अण्डाको जस्तो गन्ध आउँछ । यो रोगबाट पीडित भएपछि एलीका सबै साथीहरु उनीबाट टाढा भए । उनी भन्छिन्–‘मलाई चिन्दै नचिनेका मानिसहरु समेत मलाई साबुन, स्प्रे र परफ्यूम जस्ता बस्तु उपहार दिएर मेरो मजाक उडाउँछन् ।’

कम दुर्गन्ध होस् भनेर उनी विशेष प्रकारको परफ्यूम प्रयोग गर्छिन र पाएसम्म दिनमा पाँचपटकसम्म नुहाउँछिन् ।