‘डीआइडी लिटिल मास्टर’ले तताए नेपालको स्टेज(फोटो फिचरसहित)

भारतीय टेलिभिजनबाट प्रशारण भएको चर्चित रियालिटी शो ‘डीआइडी लिटिल मास्टर’का दुई चर्चित सहभागीहरुले नेपालको स्टेज तताएका छन् ।

ओम क्षेत्री, सौम्या राई लगायतका कलाकारले मंगलबार काठमाण्डौको सानो गौचरनमा आयोजना भएको कार्यक्रममा स्टेज तताएका हुन् । यस्तै बलिउड सिनेमाको समेत कोरियोग्राफी थालिसकेका सुनिल क्षेत्री, प्रदिप गुरुङ पनि कार्यक्रमको विशेष आकर्षण बनेका थिए ।कस्तुरी भिजनले आयोजना गरेको ‘लेट्स रक’ नामको कार्यक्रमका लागि चर्चित बाल डान्सरहरु नेपाल आएका हुन् । प्रचार प्रसार कमजोर हुँदा कार्यक्रममा दर्शकको संख्या भने कमजोर देखियो । ओम र सौम्या ‘डीआइडी लिटिल मास्टर सिजन २’ का चर्चित प्रतिस्पर्धी हुन् ।