मञ्चदेखि बाथरुमसम्म, नम्रतालाई आर्यनको साथ

आर्यन नम्रताका ‘एलियन’, नम्रता आर्यनकी ‘नमी’ । यि दुइको केमेष्ट्री गजबकै छ । एक अर्कामा घनिष्ट मित्रता रहेको बताउने आर्यन र नम्रता यतिबेला वैशाख १२ गतेबाट प्रदर्शनमा आउन लागेको नयाँ चलचित्र ‘नोभेम्बर रेन’को प्रचारमा व्यस्त छन् ।

नम्रता बिरामी छिन् । आर्यनलाई उनको स्वास्थ्यको चिन्ता अझ बढि छ । वैशाख ६ गते बिहे बन्धनमा बाधिन लागेका आर्यनलाई प्रेमिकालाई समय दिनुपनि पर्ने हुन्छ । आज काठमाण्डौमा आयोजना भएको एक कार्यक्रममा आर्यन र नम्रताको केमेष्ट्री गजबको देखियो ।

कार्यक्रमको बिचमै आर्यन र नम्रता केही समय हराए । कारण खोतल्दै जाँदा नम्रता बिरामी भएका कारण उनीहरु हराएका रहेछन् । एसीडीटी बढेपछि नम्रतालाई अचानक टाउको दुख्यो, आर्यनले मित्रताको भूमिका निर्वाहा गरे । कार्यक्रम चलिरहदा उनीहरु बाथरुममा पुगे, नम्रता फ्रेस भइन् अनि दुबै जना फर्किए ।

कार्यक्रम सकिएपछि पनि आर्यन नम्रताको स्वास्थ्यको बिषयमा खुबै सजग देखिएका थिए । उनले नम्रतालाई कार्यक्रम स्थलमा लामो समय बस्न दिएनन् । ‘मेरो एउटा साथी छ’ चलचित्रका यी दुई जोडी लामो समयपश्चात ‘नोभेम्बर रेन’मा देखिदैछन् । तर ‘नोभेम्बर रेन’ले यी दुइलाई अझ नजिक बनाएको छ । सायद आर्यन र नम्रता यतिबेला भनिरहेका होलान्, ‘मेरो एउटा साथी छ’ ।