भिडियोकनका मोबाइल सेट बजारमा

काठमाडौं– भारतीय भिडियोकन ग्रुप उत्पादित दुई नयाँ मोबाइलसेट बजारमा आएको छ । नेपालका लागि भिडियोकन मोबाइल फोनको बिक्री वितरणको व्यवस्थापन पाएको शारदा ग्रुपअन्तर्गतको वत्सल इम्पेक्सले दुईवटा सिम लाग्ने भिडियोकन दोस्त भि १५६० र भिफोन मेटल नामक सेटहरु ल्याएको हो।

दुवै सेटहरु गुणस्तरीय र उत्कृष्ट विशेषताहरुका साथ सर्वसुलभ दरमा खरिद गर्न सकिने कम्पनीले जनाएको छ। २.८ इन्च डिस्प्ले भएको भिडियोकन दोस्त भि १५६० मा १.३ एमपी क्यामेरा, १६ जिबी सम्मको मेमोरी कार्ड लाग्ने, एफएम रेडियो, जिपिआरएसलगायत सुविधा छन्। त्यसैगरी भिफोन मेटलमा २.४ इन्च डिस्प्ले, उत्कृष्ट भिडियो क्वालिटी, टिकाउ ब्याटी्र , एलइडी टर्च, फेसबुक चलाउने सुविधा भएको १६ जिबी सम्मको मेमोरी कार्ड लाग्ने सुविधा छन्। भिडियोकनका यी दुवै मोबाइलले दैनिक जीवनलाई अझ सहज र सजिलो बनाउने कम्पनीको दाबी छ।