‘सेतो बाघ' फिल्म बन्ने

काठमाडौं– डायमन्डशमशेर राणाको चर्चित उपन्यास ‘सेतो बाघ'माथि फिल्म बन्ने भएको छ। निर्देशक नीर शाहले ‘सेतो बाघ'लाई फिल्म र सिरियल दुवै रुपमा तयार पार्न लागेका हुन्। झन्डै एक करोड लगानीमा बन्ने फिल्ममा ५७ कलाकार हुनेछन्। कलाकार खोज्न फिल्म युनिटले अडिसनसमेत लिएको थियो।

‘यसपटक सबै कलाकार नयाँ छन्,' निर्देशक नीर शाहले भने, ‘कथाअनुसार कलाकार छानिएकाले नयाँ अनुहारले राम्रै काम गर्नेछन् भन्नेमा आशावादी छु।' ९१ एपिसोडमा बन्ने सिरियल भने कान्तिपुर टेलिभिजनबाट प्रशारण हुनेछ। नीर शाहले यसअघि डायमन्डशमशेरकै उपन्यास ‘बसन्ती'माथि फिल्म बनाएका थिए।