कुखुराको गुँडमा स्याल ओथारो बसेपछि …

झट्ट सुन्दा पत्याउन गाह्रो हुने यो खबर बेलायती शहर पोटर्समाउथको हो ।

पोटर्समाउथका स्कुले केटाकेटीहरुले कुखुराको गुडमा स्याल बसेको भेट्टाएका हुन् । कुखुरालाई लखेट्दा थाकेको स्याल उसकै गुडमा बसेको हुन सक्ने अनुमान गरिएको छ । कारण जे सुकै होस्, ओथारो बसेको कुखुराले जसरी नै स्याल अण्डा स्याहारेर बसेको थियो ।

फ्लाइङ बुल प्राइमरी स्कुलका अफिस म्यानेजर जेन फ्रान्सले ब्रेकमा केटाकेटीहरुले देखेको आनौठो घटनालाई क्यामेरामा कैद गरेका थिए । ५७ वर्षका उनी भन्छन –‘कुखुरा स्याललाई विर्सिएर केही खुसी जस्तै देखिने गरी भुइमा डुलिरहेको थियो ।’उनका अनुसार स्याल कुखुराको गुडमा बसिरहेको देखेपछि विद्यार्थीहरु दौडिएर उनको कोठामा आएका थिए । ‘संयोगबस मेरो क्यामेरा डेक्समै थियो’ उनले भने ।