सारी विकिनीमा पुग्यो, पैसा बढेन : कट्रिना कैफ

बलिउड नायिका कट्रिना कैफको यस्तो भनाइले सबैलाई अचम्ममा पार्न सक्छ । तर ‘वुम’ सिनेमामा विकिनी लगाएर बलिउड करिअर सुरु गरेकी नायिका कैफले यस्तै गुनासो गरेकी छिन् ।

बलिउडमा प्रवेश गरेको १० बर्षमै कैफको चर्चा शिखरमा पुगेको छ । बलिउडमा यतिबेला नायिका कट्रिना सिनेमाहरुले बक्स अफिसमा कमाल मच्चाएका छन् । कट्रिनाले भनिन्, ‘सारी लगाउने बलिउडको परम्परा विकिनीमा आइपुगेको छ, तर हिरोइनको पारिश्रमिक जस्ताको तस्तै छ ।’

प्रियंका चोपडाको ‘फेशन’, विद्या बालनको ‘कहानी’, कंगना रनोटको ‘क्विन’ हिरोइन केन्द्रित सिनेमा हुन् । बक्स अफिसमा यि सिनेमाहरुले कमाल मच्चाएका थिए । तर नायिकाहरुको स्टारपावर चलेपनि पारिश्रमिक नबढेको बिषयमा कैफले दुःख लागेको बताइन् ।

कट्रिना आज बलिउडको सबैभन्दा आकर्षक नायिका हुन् । उनको ब्रान्ड भ्यालू र पारिश्रमिक उच्च छ । तर पनि उनी हिरोइनको काम अुनसार पारिश्रमिक नभएको गुनासो गरिरहेकी छिन् ।