बुढीका खातिर चीन र जापानको युद्ध

चीन र जापान परम्परागत प्रतिद्वन्दी हुन् । यी दुइ देशबीच सामुद्रिक क्षेत्र लगायतका विभिन्न विषयमा चर्को विवाद छ । तर पछिल्लो समय भने अर्को अनौठो लडाइँमा होमिएका छन् यी दुइ देश । विश्वको सबैभन्दा बुढो मानिस कुन देशमा छ ? भन्ने विषयमा चीन र जापानबीच विवाद चलेको हो ।

गएको डिसेम्बरमा जापानकी १ सय १५ वर्षे महिलालाई विश्वकै सबैभन्दा बढी उमेरको मान्छेको उपाधि गिनिज बुकले दिएसँगै चीनकी एक महिलाले त्यसलाई चुनौति दिँदै आफु विश्वको सबैभन्दा बुढी महिला भएको दाबी गरेकी छिन् ।

गिनिज बुकले डिसेम्बरमा जापानकी १ सय १५ वर्षे जिरोएमोन किमुरालाई विश्वको सबैभन्दा जेठो मानिसको उपाधि दिएको थियो । त्यसलाई चुनौति दिँदै चिनकी लोउ मेजेनले आफु १ सय २७ वर्षकी भएकीले विश्वको जेठो मानिस आफु भएको दाबी गरेकी छिन् ।

समाचार अनुसार लोउले आफु १८८५ मा जन्मिएको दाबी गरेकी छिन् । चिनको बामा क्षेत्रकी लोउले यसको प्रमाण स्वरुप आफ्नो पूरानो परिचय पत्र प्रस्तुत गरेकी छिन् । तर सन् १९४९ मा चीनमा कम्युनिष्ट शासन आएपछि मात्र उनी बसेको क्षेत्रमा क्षेत्रको जन्मदर्ता सुरु भएकाले उनको एकिन जन्म कहिले भएको हो भन्ने बारेमा एकिन गर्न नसकिएको बताइएको छ ।

गिनिज बुकले यस विषयमा कुनै टिप्पणी भने गरिसकेको छैन । हेरौँ बुढी आइमाइको यो लडाइँमा चीनले जापानलाई पछार्न सक्छ की सक्दैन ?