मोटेलाई जहाजमा आपत्, दुइ सिटको टिकट काट्दा पनि सुख भएन
उनले दुइ सिटका लागि टिकट त काटे तर ती दुइ सिट बेग्लाबेग्लै स्थानका थिए । उनलाई एकै ठाउँका दुइ सिट चाहिनेमा अगाडि र पछाडिका दुइ टिकट परेपछि उनको पैसा सित्तैमा गयो नै उनको यात्रा पनि निकै कष्टप्रद भयो ।
समाचार अनुसार लेस प्राइस नामका ती व्यक्तिको वजन २३५ किलो थियो । लेसका अनुसार उनले जुन वायुसेवाको जहाजमा यात्रा गरे त्यसमा एक टिकटमा यात्रा गर्ने मान्छेको अधिकतम तौल १२७ किलो हुनुपर्ने नियम थियो । उनको तौल त्यसभन्दा निकै बढि रहेकाले उनले दुइवटा टिकट काट्नुपर्यो । उनले दुइवटा टिकट काटे । तर दुर्भाग्यवस टिकट काउन्टरबाट उनलाई अगाडि र पछाडिका गरि २ वटा सिटका टिकट दिइयो ।
आफुलाई दुइवटा टिकट काट्नुपरेको नभै दुइ अलग अलग सिटका टिकट काटिदिएकोमा दुख लागेको उनको भनाइ छ । उनको एउटा सिट १७ नम्बरको थियो भने अर्को १९ नम्बरको । लण्डनबाट आयरल्याण्ड जाँदा र आयरल्याण्डबाट आफ्नो घर लण्डन फर्किँदा दुबैचोटी उनलाई फरक फरक सिटको टिकट काटिएको उनको भनाइ छ ।
Post a Comment