ज्ञानेन्द्रलाई अझै बिन्तीपत्रको ओइरो

२ जेठ, काठमाण्डौं । पूर्वराजा ज्ञानेन्द्र शाहको शासनसत्ता गुमेपनि उनलाई व्यक्तिगत कामदेखि राजनीतिक विषयमा बिन्तीपत्र आउने गरेका छन् । निर्मलनिवासमा शाहलाई ‘श्री ५ महाराजधिराज’ सम्बोधन गरेर दैनिक दशवटासम्म बिन्तीपत्र दर्ता हुने गरेका छन् ।

नारायणहिटी छोडेर पूर्वराजा निर्मलनिवास गएपछिका सुरुका दिनमा भन्दा संविधानसभा विघटनयता बिन्तीपत्र दर्ता गर्ने क्रम बढेको नयाँ पत्रिका दैनिकमा खबर छ ।

निर्मलनिवासको गेटमा हरेक दिन १० वटासम्म बिन्तीपत्र दर्ता हुन्छन्, बिन्तीपत्र बुझाउन अधिकांश आफैं पुग्ने र कोहीले भने अरुलाई पनि पठाउने गरेको पाइएको छ । साथै इमेल, फ्याक्स र चिठीबाट पनि बिन्तीपत्र आउने गरेका छन् ।

ज्ञानेन्द्रलाई आउने बिन्तीपत्रमा आर्थिक सहयोग लिन उपचार मिलाइदिन र छोराछोरीलाई विदेश पठाइदिनेसम्मका कुरा छन् । अधिकांशले पूर्वराजालाई सक्रिय हुन र आफुलाई कामको जिम्मेवारी दिन आग्रह गरेका छन् ।

बिन्तीपत्र स्वकीय सचिवले दुई-तीन पटक पढेर पूर्वराजालाई दिने र पूर्वराजाले सक्ने काम गरिदिन सहयोगीलाई आग्रह गर्ने गरेको स्रोतको दाबी छ ।
- See more at: http://www.onlinekhabar.com/2013/05/71320/#sthash.wwhW5v5B.dpuf