अर्को युद्ध ‘किलर रोबेट’ ले खेल्नेछ ?

(एजेन्सी)– झाडीहरुको माझमा एक रोबोट ट्यांकी आफ्नो ‘क्याटरपिलर ट्रयाक’ मा तुफानी तरिकाले अगाडि बढिरहेको छ । त्यसपछि अचानक यो रोकिन्छ र आफ्नो मेसीनगनले गोलीहरु बर्साउन थाल्दछ ।
यो कुनै साइन्स फिक्सन फिल्मको दृश्यजस्तो लाग्दछ तर वास्तवमा यो एक रोबोटको भिडियो हो जसको परिक्षण अमेरिकी सेनाले गरिरहेको छ ।
भोलीको साइन्स फिक्सन फिल्मको कल्पना आजको युद्ध मैदानमा यथार्थमा बदल्न सक्ने यो एउटा उदाहरण मात्र हो ।

एक मिटर लामो यो सानो ट्यांकीलाई उत्तरी अमेरिकाको क्विनेटिङ कम्पनीले बनाएको हो । आज ९० भन्दा बढि देशहरुमा यस्तो प्रवृधिको प्रयोग गरिएको छ र शोध कम्पनी आइएचएसको अनुसार २०१४–२३ सम्म यो उद्योग ५७.३२ खर्ब रुपैँयाको हुनेछ ।

आइएचएसका डेरिक म्यापल भन्छन्, ‘अमेरिका यसको मुख्य बजार र मुख्य खेलाडी रहनेछ तर थुप्रै देशहरु मानवरहित सिस्टमको क्षमताको विकासमा अग्रसर रहेका छन् । ’